Basa Sunda 3 Runtuyan Kulawarga

 Sesebutan di lingkungan kulawarga

• Bapa dayat jeung ibu Ati boga budak tilu anu cikal ngaranna Manik anu panengah ngaranna Ikbal ari anu bungsu ngaranna Wulan

• Ikbal jeung wulan ka Manik nyebutna ceuceu atawa tétéh ari Wulan ka Ikbal nyebutna aa atawa akang
• Henteu sopan mun ka lanceuk nyebut ngaranna wungkul

• Ka lanceuk ulah sok nyebut ngaran kudu nyebut ceu Imas atawa téh Imas mun lanceuk urang ngaranna Imas atawa nyebut kang Rudi Mun lanceuk urang ngaranna Rudi

• Ka indung kudu nyebut ema atawa ibu 
• Aya deuih nu sok nyebut mamah atawa ambu ogé ari ka bapa kudu nyebut téh apa atawa bapa saluhureun indung jeung bapa aya nini jeung aki ka nini sok aya anu nyebut enin
• Ari ka aki sok aya nu nyebut engki sok aya nu nyebut éyang deuih
• Nini jeung aki téh kolotna indung atawa bapa urang aya deuih nu disebut emang jeung bibi
• 'Eta téh adina indung atawa bapa urang emang sesebutan keur ka lalaki
• ari bibi sesebutan keur ka awéwé
• lanceukna indung atawa bapa urang disebutna uwa

Nami silsilah Katurunan Tihadap Ka luhur

Bapa: kolot lalaki 

Indung: kolot awéwé 

Aki: kolot lalaki ti bapa atawa ti indung

Nini: kolot awéwé ti bapa atawa ti indung

Uyut: bapa atawa indung ti aki atawa nini

Bao: bapa atawa indung ti uyut

Janggawaréng: bapa atawa indung ti bao

Udeg-udeg: bapa atawa indung ti janggawaréng

Kakait siwur: bapa atawa indung ti udeg-udeg

Karuhun: jujutan kanu leuwih luhur anu geus tilar dunya, Sedangkan yang masih hidup disebut sesepuh.

Nami silsilah Katurunan Tiluhur Ka Handap

 

Anak: turunan kahiji

Incu: turunan kadua, anak ti anak

Buyut: turunan katilu, anak ti incu

Bao: turunan kaopat, anak ti buyut 

Istilah Nu sejena dina hal katurunan:

Budak Tunggal: anak hiji-hijina

Budak Cikal: anak anu munggaran

Budak Panengah: anak anu lahir di tengah-tengah; biasana pikeun jumlah anak ganjil

Budak Pangais bungsu: lanceuk deukeut ti anak bungsu atawa anak kadua ti handap 

Budak Bungsu: anak bungsu, anak anu gumelar panungtung 

Lanceuk: dulur sadarah lalaki atawa awéwé anu leuwih kolot

Adi: dulur sadarah lalaki atawa awéwé anu leuwih ngora 

Uwa: lanceukna awéwé ti bapa atawa indung

Paman/ emang: adi lalaki ti bapa atawa indung

Bibi: adi awéwé ti bapa atawa indung 

Alo: anakna lanceuk 

Suan: anakna adi 

Aki ti gigir: lanceuk atawa adi lalaki ti aki atawa nini 

Nini ti gigir: lanceuk awéwé ti aki atawa nini

Kapilanceuk: dulur misan, anak uwa 

Kapiadi: dulur misan, anak paman/ bibi 

Incu ti gigir: incuna adi atawa lanceuk 

Emang ti gigir: anak lalaki ti adi atawa lanceuk aki jeung nini 

bibi ti gigir: anak awéwé ti adi atawa lanceuk aki jeung nini

Salaki: lalaki anu ngawin pamajikan

Pamajikan: awéwé anu dikawin ku salaki

Mitoha: indung atawa bapa ti pamajikan atawa salaki

Minantu: lalaki atawa awéwé anu dikawin ku anak

Besan: indung atawa bapana minantu atawa mitoha anak urang 

Dahuan: lanceuk ti salaki atawa pamajikan 

Adi beuteung: adi ti salaki atawa pamajikan

Sabrayna: dulur kanu sanini atawa saaki, contona hubungan kapilanceuk atawa kapiadi.

Mindo: dulu sanggeus sabrayna atawa sauyut. Contona hubungan antara anak kapilanceuk jeung anak kapiadi.

Dulur pet ku hinis: dulur kandung, dulur saindung sabapa.

Dulur sabaraya: dulur ka anakna paman atawa anakna bibi.

Dulur teges: dulur pituin saindung sabapa.

Indung téré: pamajikan bapa tapi lain indung kandung.

Bapa téré: salaki indung tapi lain bapa kandung.

Anak téré : anak ti salaki atawa pamajikan tapi lain anak kandung.

Dulur patétéréan: anak ti indung atawa bapa téré.

Baraya laér: dulur pancakakina geus jauh.

Teu hir teu walahir atawa deungeun-deungeun balangbangan: teu baraya saeutik-eutik acan.

Bau-bau sinduk: baraya kénéh sanajan geus laér.

Baraya: sakur jalma anu aya pancakakina.